អន្តរជាតិ ៖ កងកម្លាំងយោធាសហរដ្ឋអាមេរិក បានប្រើប្រាស់យន្តហោះគ្មានមនុស្សបើក (ដ្រូន) របស់កងទ័ពជើងទឹកវាយប្រហារអ៊ីរ៉ង់ជាលើកដំបូង។ នេះបើយោងតាមបញ្ជាការកណ្តាលសហរដ្ឋអាមេរិក (CENTCOM)។
បញ្ជាការកណ្ដាល បានបង្ហោះនៅលើបណ្តាញសង្គម X ថា ការវាយប្រហារលើអ៊ីរ៉ង់លើកនេះ កងកម្លាំងសហរដ្ឋអាមេរិក មិនត្រឹមតែប្រើប្រាស់យន្តហោះគ្មានមនុស្សបើកតាមអាកាសប៉ុណ្ណោះទេ ប៉ុន្តែឥឡូវនេះ ថែមទាំងប្រើប្រាស់យន្តហោះគ្មានមនុស្សបើកវាយប្រហារតាមសមុទ្រតែមួយទិសជាលើកដំបូងរបស់កងទ័ពជើងទឹកផងដែរ។
ទោះជាយ៉ាងណា មិនទាន់មានរបាយការណ៍ដែលបញ្ជាក់ពីសមត្ថភាពយន្តហោះគ្មានមនុស្សបើកនេះ និងប្រសិទ្ធភាពរបស់វានៅឡើយនោះទេ។
CENTCOM ក៏បានអះអាងម្តងទៀតថា អ៊ីរ៉ង់ មិនត្រូវគ្រប់គ្រងច្រកសមុទ្រ Hormuz ទាំងស្រុងនោះទេ។ លើសពីនេះ CENTCOM ក៏បានប្រកាសពីជោគជ័យក្នុងការវាយប្រហារអ៊ីរ៉ង់រលកចុងក្រោយ កាលពីប៉ុន្មានម៉ោងមុននេះ។
ភាគីទាំង២ បានវាយប្រហារសងសឹកគ្នាទៅវិញទៅមកដ៏សាហាវអស់រយៈពេលជាង ១ សប្ដាហ៍មកហើយ ខណៈច្រក Hormuz មិនទាន់មានការប្រែប្រួលនោះទេ៕
