រាជធានីភ្នំពេញ ៖ ក្រោយពីមានការផ្សព្វផ្សាយជាសាធារណៈអំពីករណីហឹង្សារលើកូនឈ្លើយមិនសំពះសុំទោសម្តាយដែលទទួលបានការចាប់អារម្មណ៍ពីមហាជន លោកឧត្តមសេនីយ៍ឯក ជួន ណារិន ស្នងការនគរបាលរាជធានីភ្នំពេញ នៅថ្ងៃទី២៩ ខែមិថុនា ឆ្នាំ២០២៦ បានបង្ហោះសារនៅលើបណ្ដាញសង្គម Facebook ដោយបញ្ជាក់ថា ៖ «លោកបានចាត់បញ្ជូនសំណុំរឿងនេះទៅលោក ប៊ុន សត្យា ស្នងការរង ទទួលផែននគរបាលព្រហ្មទណ្ឌ ដើម្បីអនុវត្តវិធានការបន្ទាន់»។
លោកស្នងការបានបញ្ជាក់ថា :«ទោះបីជាជនរងគ្រោះមិនបានដាក់ពាក្យបណ្ដឹងក៏ដោយ ក៏នគរបាលយុត្តិធម៌អាចដើរតួនាទីជាដើមបណ្ដឹង ស្របតាមនីតិវិធីច្បាប់ ដើម្បីស៊ើបអង្កេត និងចាត់វិធានការលើករណីនេះ»។
ជាមួយគ្នានេះ លោកស្នងការក៏បកោះលោក K01 ឱ្យចូលមកបំភ្លឺនៅស្នងការនគរបាលរាជធានីភ្នំពេញ នៅវេលាម៉ោង ៨:០០នាទីព្រឹក ថ្ងៃទី៣០ ខែមិថុនា ឆ្នាំ២០២៦ ស្ថិតនៅជាន់ទី៣ ផែននគរបាលព្រហ្មទណ្ឌ ដើម្បីផ្តល់ការបំភ្លឺពាក់ព័ន្ធនឹងករណីខាងលើ។
សមត្ថកិច្ចអះអាងថា ការចាត់វិធានការនេះ គឺដើម្បីធានាការអនុវត្តច្បាប់ដោយស្មើភាព តម្លាភាព និងរក្សាយុត្តិធម៌ជូនគ្រប់ភាគីពាក់ព័ន្ធ៕
