រាជធានីភ្នំពេញ ៖ ឧកញ៉ា តែ តាំងប៉ ប្រធានសម្ព័ន្ធសមាគមសហគ្រាសធុនតូច និងមធ្យមកម្ពុជា(FASMEC)បានឲ្យដឹងថា (FASMEC) និងរៀបចំតាំងពិព័រណ៍ផលិតផលខ្មែរ ឆ្នាំ២០២៦ លើកទី៣ ដែលនឹងត្រូវរៀបចំធ្វើឡើងនៅមជ្ឈមណ្ឌលសាលសន្និបាត និងពិព័រណ៍កោះពេជ្រ រយៈពេល ៤ថ្ងៃ ចាប់ពីថ្ងៃទី៩ ដល់ថ្ងៃទី១២ ខែមេសា ឆ្នាំ២០២៦ ខាងមុខនេះដែលមានស្តង់ចំនួនជាង៣០០ស្តង់។
ក្លិបអ្នកកាសែតកម្ពុជា (ក.អ.ក) និងសមាគមមូលនិធិសម្តេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា (FASMEC) បានរៀបចំវេទិកាសារព័ត៌មានលើប្រធានបទ រួមគ្នាផលិត រួមគ្នាប្រើផលិតផលជាតិ នៅការិយាល័យកណ្តាលសមាគមមូលនិធិសម្តេចតេជោ ដើម្បីអភិវឌ្ឍន៍សហគ្រាសធុនតូច និង មធ្យមនៅកម្ពុជា ស្ថិតនៅមហាវិថីព្រះនរោត្តម សង្កាត់ចតុមុខ ខណ្ឌចំការមន រាជធានីភ្នំពេញ ដោយមានអ្នកសារព័ត៌មានចូលរួមមកពី ៦០ស្ថាប័នផងដែរ។
សូមបញ្ជាក់ថា ក្លិបអ្នកកាសែតកម្ពុជា (ក.អ.ក) និងសមាគមមូលនិធិសម្តេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា (FASMEC) នៅថ្ងៃទី៣ ខែមេសា ឆ្នាំ២០២៦ បានរៀបចំវេទិកាសារព័ត៌មានលើប្រធានបទ៖ «រួមគ្នាផលិត រួមគ្នាប្រើផលិតផលជាតិ» ដើម្បីពង្រឹង និងពង្រីកផលិតផលក្នុងស្រុកទាំងបរិមាណ និងគុណភាព សុវត្ថិភាព ធ្វើយ៉ាងណាបំពេញតម្រូវការប្រើប្រាស់នៅពេលប្រជាជនធ្វើពហិការមិនប្រើប្រាស់ផលិតផលប្រទេសថៃ។
ផលិតផលខ្មែរមានសន្ទុះរីកចម្រើនដែលយើងនឹកស្មានមិនដល់ ជាពិសេសផលិតផលខ្មែរបានទទួលស្គាល់យ៉ាងច្រើនពីប្រជាជនយើង ហើយផលិតផលខ្មែរបានបង្ហាញពីសោភ័ណភាព គុណភាពនិងបរិមាណទទួលយកបាន។ សូមកោតសរសើរប្រជាជនខ្មែរដែលមានឧត្តមគតិស្នេហាជាតិ បានធ្វើពហិការមិនប្រើផលិតផលរបស់ថៃ ហើយជាក់ស្តែង ប្រជាជនខ្មែរបានចាប់ផ្តើមងាកចេញពីការប្រើប្រាស់សេវាកម្មបរទេស ឬការទៅព្យាបាលជំងឺនៅក្រៅប្រទេស ដែលការផ្លាស់ប្តូរនេះបានជួយទប់ស្កាត់ថវិកាមិនឱ្យហូរចេញទៅក្រៅប្រទេស និងសូមប្រឹងប្រែងបន្តទៀត រួមគ្នាផលិត រួមគ្នាប្រើផលិតផលជាតិយើង៕
.jpg)