ពលរដ្ឋចំណាកស្រុក ចូលទៅតាំងលំនៅថ្មី ម្នាក់ បានស្លាប់និងម្នាក់រងរបួស ដោយសារករណីផ្ទុះគ្រាប់បែកចង្កោម បន្សល់ពីសង្គ្រាមយោធាថៃឈ្លានពាន

 

ខេត្តបបន្ទាយមានជ័យ : គ្រោះថ្នាក់កើតឡើងកាលពីថ្ងៃត្រង់ថ្ងៃទី១៩ ខែមីនា ឆ្នាំ២០២៦ ។
លោក លឿង សុភក្តិ អភិបាលស្រុកស្វាយចេក បានយោងរបាយការណ៍អាជ្ញាធរនិងសមត្ថកិច្ចបានប្រាប់ថា ៖ មានករណីផ្ទុះគ្រាប់បណ្តាលឲស្លាប់១នាក់ របួស១នាក់ នៅភូមិបឹងស្នោ ចំនុចតំបន់ពលរដ្ឋចាប់ដីនៅអណាធិបតេយ្យខាងត្បូងភូមិនៃឃុំស្លក្រាម ។

ឯអាជ្ញាធរមីនថា នៅថ្ងៃទី១៩ ខែមីនា ឆ្នាំ២០២៦ វេលាម៉ោង១១ : ៣០នាទី មានករណីផ្ទុះគ្រាប់បែកចង្កោម១ករណី នៅភូមិបឹងស្នោ ឃុំស្លក្រាម ស្រុកស្វាយចេក ខេត្តបន្ទាយមានជ័យ បណ្តាលឲ្យ៖ ១- ឈ្មោះ ចាន់ សារ៉េត ភេទប្រុសអាយុ៤៤ឆ្នាំ បានស្លាប់នៅកន្លែងកើតហេតុ និងឈ្មោះ តា ចាស់ ភេទប្រុស អាយុ៤៧ឆ្នាំ បានរងរបួស និងត្រូវបានបញ្ជូនទៅព្យាបាលនៅមន្ទីរពេទ្យខេត្តមិត្តភាព កម្ពុជា-ជប៉ុន មង្គលបូរី ខេត្តបន្ទាយមានជ័យ។
សមត្ថកិច្ចបានបញ្ជាក់ថា ហេតុការណ៍គ្រោះថ្នាក់នេះបណ្តាលមកពីជនរងគ្រោះឈ្មោះ ចាន់ សារ៉េត បានកាន់គ្រាប់បែកចង្កោមមកបោកលេងនៅផ្ទះឈ្មោះតាចាស់ ។

អាជ្ញាធរមីនសូមអំពាវនាវដល់បងប្អូនប្រជាពលរដ្ឋ នៅពេលប្រទ:ឃើញមីន គ្រាប់មិនទាន់ផ្ទុះ គ្រាប់បែកចង្កោម និងវត្ថុចំលែកសង្ស័យជាគ្រាប់ សូមកុំប៉ះពាល់ កែច្នៃ គប់ ដុំ ឫចល័តទៅទីណាមួយ  គ្រាប់ទាំងនោះនឹងធ្វើឨ្យរបួស ពិការ ស្លាប់ គ្រប់ពេល និងសូមរាយការណ៍ជាបន្ទាន់ទៅអាជ្ញាធរមានសមត្ថកិច្ច ប៉ុស្តិ៍នគរបាល មេភូមិ មេឃុំ និងប្រតិបត្តិករបោសសម្អាតមីន  តាមរយ:លេខទូរស័ព្ទ ដូចខាងក្រោម៖
012 800 473
011 38 39 37
097 489 5600
066 612 613
063 96 34 99