ខេត្តឧត្តរមានជ័យ : នៅព្រឹកថ្ងៃទី២៩ ខែមករា ឆ្នាំ២០២៦ មានករណីផ្ទុះគ្រាប់បែកចង្កោម សំណល់យុទ្ធភ័ណ្ឌេបស់យោធាថៃឈ្លានពាននៅតាមដងផ្លូវលេខ៥៨ ត្រង់ចំណុចភូមិបុស្សធំ ឃុំគោកខ្ពស់ ស្រុកបន្ទាយអំពិល ខេត្តឧត្តរមានជ័យ ។ គឺដោយសារបុគ្គលិកក្រុមហ៊ុនSN តបណ្តាញអគ្គីសនី និងបានដើរជាន់គ្រាប់បែកចង្កោមនោះ ដែលវាជាសំណល់យុទ្ធភណ្ឌមិនទាន់ផ្ទុះពីយោធាថៃក្នុងសង្គ្រាមរវាងកម្ពុជា ថៃ នាពេលកន្លងមក។
ករណីផ្ទុះនេះ បានបណ្តាលឱ្យបុគ្គលិកក្រុមហ៊ុនSN ចំនួន៣នាក់ រងរបួសធ្ងន់និងស្រាល។ នេះបើតាមលោក ហេង រតនា អគ្គនាយកស៊ីម៉ាក់។
តាមសំណេរនៅទំព័រហ្វេសប៊ុកផ្ទាល់ខ្លួននៅរសៀលថ្ងៃទី២៩ ខែមករានេះ លោក ហេង រតនា អំពាវនាវជាថ្មីចំពោះប្រជាពលរដ្ឋក៏ដូចវិស័យឯកជននិងអង្គភាពរដ្ឋទាំងអស់ ។
ពោលគឺដែលធ្វើសកម្មភាពនៅតំបន់ដែលរងផលប៉ះពាល់ដោយសារជម្លោះព្រំដែនកម្ពុជា ឱ្យស្វែងរកការ សម្របសម្រួលជាមួយអាជ្ញាធរមូលដ្ឋាន ឬអង្គភាពស៊ីម៉ាក( CMAC ) ដែលកំពុងបំពេញ ភារកិច្ចនៅ តំបន់នោះផ្ទាល់ ដើម្បីបង្កាគ្រោះថ្នាក់ដោយសារសំណល់យុទ្ធភណ្ឌសង្គ្រាម ៕
