ព័ត៌មានអន្តរជាតិ ៖ ក្នុងរយៈពេលប៉ុន្មានខែ កន្លងមកនេះ យោធាសហរដ្ឋអាមេរិក បានជួយអមដំណើរ និងធានាសុវត្ថិភាពកប៉ាល់ប្រហែល ១,៥០០ គ្រឿងឱ្យឆ្លងកាត់ច្រកសមុទ្រ Hormuz ។ នេះបើយោងតាមការលើកឡើងរបស់លោកឧត្តមនាវីឯក Bradley Cooper ប្រធានបញ្ជាការកណ្តាលសហរដ្ឋអាមេរិក (CENTCOM)។
លោក បានលើកឡើងនៅក្នុងសុន្ទរកថាវីដេអូមួយដែលបង្ហោះលើបណ្តាញសង្គមថា ក្នុងរយៈពេលប៉ុន្មានខែកន្លងមកនេះ កងកម្លាំងសហរដ្ឋអាមេរិកបានជួយកប៉ាល់ពាណិជ្ជកម្មជិត ១,៥០០ គ្រឿង ឱ្យឆ្លងកាត់ច្រកសមុទ្រ Hormuz ដោយផ្តល់ការការពារសម្របសម្រួល។
លោក បានបន្ថែមថា កប៉ាល់ទាំងនោះបានដឹកប្រេងឆៅជិត ៧៥០ លានបារ៉ែល ដែលមានគោលដៅសម្រាប់ទីផ្សារថាមពលសកល។
ទន្ទឹមនោះ លោក បានអះអាងថា ចាប់តាំងពីសហរដ្ឋអាមេរិកបានបិទផ្លូវសមុទ្រអ៊ីរ៉ង់ កាលពីពាក់កណ្តាលខែកក្កដា មក សាធារណរដ្ឋអ៊ីស្លាម មិនអាចនាំចេញប្រេងពីឆ្នេរសមុទ្ររបស់ខ្លួននេះបានឡើយ។
សហរដ្ឋអាមេរិក បានបន្តការបិទផ្លូវសមុទ្រលើអ៊ីរ៉ង់នៅថ្ងៃទី ១៤ ខែកក្កដា បន្ទាប់ពីផ្អាកមួយរយៈ។ ស្ថានការណ៍នៅច្រកសមុទ្រនេះ នៅតែតានតឹងដោយភាគីទាំង ២ នៅតែបន្តរក្សាវត្ដមានកងទ័ពរបស់ពួកគេដដែល៕
