អគ្គនា​យ​​ក​ដ្ឋា​ន​ព​ន្ធ​នា​គា​រ​​ ​ផ្ទេ​រ​ទ​ណ្ឌិ​ត​ជា​​ក្មេ​ង​ទំ​នើ​ង ​ជិ​ត​ ​៨​០​០​នា​ក់​ ​​ទៅ​ល​ត់​ដំ​ខ្លួ​ន និ​​ងរួ​​ម​ចំ​ណែ​ក​ ធ្​វើ​​ស​ក​ម្ម​ភា​ព ដែ​ល​មា​​ន​ប្រ​យោ​ជ​ន៍ ជួ​យ​ដ​ល់​ស​ម​​រ​ភូ​មិ​មុ​ខ​ ​នៅ​​ខេ​ត្ត​ជា​ប់​ព្រំ​ដែ​ន​

 ​

រាជធានីភ្នំពេញ ៖ អនុវត្តតាមអនុសាសន៍ដ៏ខ្ពង់ខ្ពស់របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា កាលពីថ្ងៃទី២៦ ខែមេសា ឆ្នាំ២០២៦ កន្លងទៅ ស្ថាប័នជំនាញរួមមាន៖ ក្រសួងយុត្តិធម៌, អគ្គបញ្ជាការដ្ឋានកងយោធពលខេមរភូមិន្ទ និងអគ្គស្នងការដ្ឋាននគរបាលជាតិ បានគិតគូររៀបចំបញ្ជូនទណ្ឌិតជាក្មេងទំនើង ឱ្យទៅបម្រើការងារជួយដល់ជួរមុខ ក្នុងការធ្វើពុម្ពលេណដ្ឋាន និងការងារផ្សេងៗ ដើម្បីជួយសម្រាលបន្ទុកកងទ័ពជួរមុខ ក៏ដូចជាកងវិស្វកម្ម។

​

ជាក់ស្តែង កាលពីថ្ងៃទី២១ ខែឧសភា ឆ្នាំ២០២៦ នេះ អគ្គនាយកដ្ឋានពន្ធនាគារ បានចាត់ចែងផ្ទេរទណ្ឌិតជាក្មេងទំនើង (ភេទប្រុស) សរុបចំនួន ៧៩០នាក់ ពីបណ្តាមណ្ឌលអប់រំកែប្រែ និងពន្ធនាគាររាជធានី-ខេត្ត ទៅអនុវត្តទោសបន្តនៅមណ្ឌលអប់រំកែប្រែ និងពន្ធនាគារគោលដៅចំនួន ០២ រួមមាន៖

​មណ្ឌលអប់រំកែប្រែទី៤ (ខេត្តពោធិ៍សាត់)៖ ចំនួន ៦៥១នាក់ ពន្ធនាគារខេត្តឧត្តរមានជ័យ៖ ចំនួន ១៣៩នាក់។

​ការផ្ទេរទណ្ឌិតទាំងនេះ គឺក្នុងគោលបំណងបង្កើនការអប់រំកែប្រែ និងលត់ដំខ្លួន តាមរយៈការចូលរួមកម្មវិធីបណ្តុះបណ្តាលវិជ្ជាជីវៈ ដើម្បីកសាងសមត្ថភាពជំនាញផ្ទាល់ខ្លួនផង និងរួមចំណែកធ្វើសកម្មភាពដែលមានប្រយោជន៍ជួយដល់សមរភូមិមុខផងដែរ។

តាមរយៈបណ្តាញទំនាក់ទំនងសង្គមផ្លូវការ នៅព្រឹកថ្ងៃទី២២ ខែឧសភា ឆ្នាំ២០២៦នេះ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានចាត់ទុកការផ្ទេរទណ្ឌិតជាក្មេងទំនើងទាំងនេះគឺក្នុងគោលបំណងបង្កើនការអប់រំកែប្រែ និងលត់ដំខ្លួន តាមរយៈការចូលរួមកម្មវិធីបណ្តុះបណ្តាលវិជ្ជាជីវៈ ដើម្បីកសាងសមត្ថភាពជំនាញផ្ទាល់ខ្លួនផង និងដើម្បីធ្វើសកម្មភាពដែលមានប្រយោជន៍ជួយដល់សមរភូមិមុខផង។

យោងតាមសេចក្តីប្រកាសព័ត៌មាន ​របស់អគ្គនាយកដ្ឋានពន្ធនាគារ បានឱ្យដឹងថា កម្មវិធីបណ្តុះបណ្តាលវិជ្ជាជីវៈដល់ទណ្ឌិតជាក្មេងទំនើង រួមមាន ជំនាញកសិកម្ម ដូចជាការដាំដុះបន្លែបង្ការ ការចិញ្ចឹមសត្វ និងជំនាញសំណង់ ដូចជា ការចាក់គម្របលេណដ្ឋាន និងសំណង់បេតុងផ្សេងៗ​ដើម្បីគាំ​ទ្រដ​ល់​កម្លាំង​ជួរមុខដែលកំ​ពុងឈរជើងការពារអធិបតេយ្យភាពជាតិ។

​កម្មវិធីបណ្តុះបណ្តាលខាងលើនេះ នឹងត្រូវអនុវត្តឡើងក្រោ​មកិច្ចសហការយ៉ាង​ជិត​ស្និទ្ធពីមន្ត្រីជំនាញកសិកម្ម និងមន្ត្រីជំនាញផ្នែកកសាងលេណដ្ឋាន៕