អន្តរជាតិ ៖ តម្លៃប្រេងបានកើនឡើងជាង ១ដុល្លារ នៅថ្ងៃពុធនេះ ខណៈសង្គ្រាមរវាងសហរដ្ឋអាមេរិក និងអ៊ីស្រាអែលលើអ៊ីរ៉ង់ បានរំខានដល់ការផ្គត់ផ្គង់នៅមជ្ឈិមបូព៌ា។
ប្រេងប្រភេទ Brent បានកើនឡើង ១,១១ ដុល្លារ ឬ ១,៤ ភាគរយ ស្មើនឹង ៨២,៥៣ ដុល្លារក្នុងមួយបារ៉ែល។ ប្រេងឆៅប្រភេទ West Texas Intermediate របស់សហរដ្ឋអាមេរិក បានកើនឡើង ៧៩ សេន ឬ ១,១ ភាគរយ ស្មើនឹង ៧៥,៣៧ ដុល្លារក្នុងមួយបារ៉ែល។
ការវាយប្រហាររបស់កងកម្លាំងអ៊ីស្រាអែល និងសហរដ្ឋអាមេរិក លើគោលដៅនានាទូទាំងប្រទេសអ៊ីរ៉ង់ កាលពីថ្ងៃអង្គារ នាំឱ្យក្រុងតេហេរ៉ង់ សងសឹកទៅលើហេដ្ឋារចនាសម្ព័ន្ធថាមពលនៅក្នុងតំបន់មួយចំនួន។
ការបិទច្រកសមុទ្រ Hormuz ក៏ជាកត្តាដែលរំខានដល់ការផ្គត់ផ្គង់ប្រេងផងដែរ។ ទោះជាយ៉ាងណា លោក ត្រាំ ប្ដេជ្ញានឹងធ្វើឱ្យសង្វាក់សេដ្ឋកិច្ចតាមសមុទ្រដំណើរការធម្មតា៕
