.jpg)
ខេត្តតាកែវ ៖ នាថ្ងៃទី២៧ ខែធ្នូ ឆ្នាំ២០២៥ លោក អ៊ិត សារ ប្រធានក្រុមប្រឹក្សាស្រុកព្រៃកប្បាស លោក ឌឹម គឹមសាន អភិបាលនៃគណៈអភិបាលស្រុកព្រៃកប្បាស និងគណប្រតិភូរដ្ឋបាលខេត្ត បានអញ្ជើញអមដំណើរ ឯកឧត្ដម វ៉ី សំណាង អភិបាលនៃគណៈអភិបាលខេត្តតាកែវ នាំយកអំណោយមនុស្សធម៌ របស់បងប្អូនអ្នកខេត្តតាកែវ រួមមានគ្រឿងឧបភោគ បរិភោគ គ្រឿងទេសគ្រប់មុខ សម្ភារៈចម្រុះមួយចំនួន សម្លៀកបំពាក់ ថ្នាំពេទ្យ មុង ភួយ ខ្នើយ កន្ទេល សរុបចំនួន៦រថយន្តធំៗ មកចូលរួមផ្ដល់ជូន សម្រាប់បងប្អូនវីរកងទ័ពសមរភូមិមុខ និងបងប្អូនជនភៀសសឹក ដែលកំពុងស្នាក់នៅជាបណ្ដោះអាសន្ននៅតាមជរំជនភៀសសិក នៅក្នុងមូលដ្ឋានខេត្តសៀមរាប និងខេត្តឧត្តរមានជ័យ។
ក្នុងឱកាសនោះ ឯកឧត្ដម អភិបាលនៃគណៈអភិបាលខេត្តតាកែវ បានពាំនាំប្រសាសន៍ផ្តាំផ្ញើសួរសុខទុក្ខដ៏ខ្ពង់ខ្ពស់បំផុត និងដោយក្តីបារម្ភបំផុតរបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងសម្តេចធិបតី ហ៊ុន ម៉ាណែត ជូនបងប្អូនវីរកងទ័ពសមរភូមិមុខ និងបងប្អូនជនភៀសសឹក ដែលកំពុងស្នាក់នៅជាបណ្ដោះអាសន្ននៅតាមជរំជនភៀសសិក ព្រមទាំងបាននាំយកអំណោយ ប្រគល់ជូនដើម្បីប្រើប្រាស់ និងសម្រួលជីវភាពរស់នៅប្រចាំថ្ងៃ ។
ស្ថិតក្នុងឱកាសនេះដែរ ឯកឧត្ដម សូមថ្លែងអំណរគុណយ៉ាងជ្រាលជ្រៅជូនសប្បុរសជនឆ្ងាយជិតទាំងអស់ដែលបានឧបត្ថម្ភអំណោយជាច្រើន រួមចំណែកជាមួយរាជរដ្ឋាភិបាល និងសូមអំពាវនាវឱ្យបន្តផ្តល់ជូនជំនួយមនុស្សធម៌នេះបន្ថែមទៀតក្នុងស្មារតីខ្មែរតែមួយ ខ្មែរជួយខ្មែរ ៕ ដោយ ម៉ឹង វុទ្ធី
.jpg)
.jpg)
