ខេត្តក្រចេះ ៖ នៅវេលាម៉ោង៨ព្រឹកថ្ងៃទី៣០ ខែតុលា ឆ្នាំ២០២៥ មានឧបទ្ទហេតុកើតឡើងដោយឡានដឹកដំឡូងមីសង្ស័យលើសទម្ងន់ធ្វើឲ្យបាក់ស្ពានដែកបេឡេឆ្លូងនៅជិតផ្សារ១១៥ ភូមិសែនអភិវឌ្ឍន៌ ឃុំគ្រញូងសែនជ័យ ស្រុកស្នួល ខេត្តក្រចេះ។
មន្ត្រីអាជ្ញាធរជំនាញនិងពលរដ្ឋអោយដឹងថា : ទម្រាំបានស្ពានមួយៗ ថ្នាក់ដឹកនាំគ្រប់ជាន់ថ្នាក់ខិតខំណាស់ ចំណាយច្រើនណាស់ តែឈ្មួញខ្លះ ដោយសារគិតតែផលប្រយោជន៌ខ្លួនឯង ធ្វើអោយបាត់បង់ប្រយោជន៍សាធារណៈបែបនេះ ។
ករណីនេះ ក៏មិនអាចបន្ទោសតែភាគីរថយន្តបន្ទុកធ្ងន់នោះដែរ ជួនកាលបញ្ហាគុណភាពស្ពានចាស់ទ្រុឌទ្រោម ខូចខាតផងដែរ ។ មន្ត្រីអាជ្ញាធរជំនាញត្រូវស៊ើបអង្កេត ។
ទន្ទឹមនឹងនេះ រដ្ឋបាលខេត្ត ស្រុក ឃុំបា ជូនដំណឹងដល់សាធារណៈជនទាំងអស់ឲ្យបានជ្រាបថា : នៅស្ពានឆ្លូងនៅជិតផ្សារ១១៥បានបាក់ហើយ សូមបងប្អូនធ្វើដំណើរ ផ្លូវវាងមាន ២ ជម្រើស :
១- តាមក្រុមហ៊ុនដឹកយ៉ុង់ ២- តាមផ្លូវ១០៧ ៕
