រាជធានីភ្នំពេញ ៖ អ្នកឧកញ៉ា ឡេង ណាវ៉ាត់ត្រា ប្រកាសប្រមូលទ្រព្យសម្បត្តិទាំងអស់រាប់ទាំងដីផ្នូរម្ដាយ ឬកង់ម៉ូតូឡានប្រគល់ជូនក្រសួងដែនដីចាត់ចែង
និងសុំព្រះមហាក្សត្រ បញ្ចប់គោរមងារបងប្អូនមួយពូជរបស់លោក!
អ្នកឧកញ៉ា ឡេង ណាវ៉ាត់ត្រា ៖ គម្រោងដី និងផ្ទះនៅផ្លូវ៦A លក់បាន១៨៥លានដុល្លារ តែចំណាយវិញ២២១លានដុល្លារ ដែលផុងខ្លួនយ៉ាងខ្លាំង!
អ្នកឧកញ៉ា ឡេង ណាវ៉ាត់ត្រា ប្រកាសទទួលទោសគ្រប់យ៉ាង តែសុំសណ្តោសពីរាជរដ្ឋាភិបាល លើកលែងដល់ប្រពន្ធ និងកូនរបស់គាត់!
ជាសេដ្ឋីវ័យក្មេង និងជាពាណិជ្ជករល្បីឈ្មោះមួយរូបនៅប្រទេសកម្ពុជាគឺអ្នកឧកញ៉ា ឡេង ណាវ៉ាត់ត្រា នៅថ្ងៃទី ៨ ខែកញ្ញាឆ្នាំ២០២៦ ស្រាប់តែបានចេញប្រកាសមួយដ៏ផ្ញាក់ផ្អើល ថាលោកនឹងប្រមូលទ្រព្យសម្បត្តិទាំងអស់រាប់ទាំងដីផ្នូរម្ដាយ ឬកង់ម៉ូតូឡានប្រគល់ជូនក្រសួងរៀបចំដែនដី ដើម្បី ចាត់ចែងដោះស្រាយគម្រោងជាប់គាំង គឺគម្រោងដី និងផ្ទះនៅផ្លូវជាតិលេខ៦A ។
ហើយបន្ថែមពីនេះលោកទទួលស្គាល់កំហុស និងព្រមទទួលទោសតាមផ្លូវច្បាប់កម្ពុជា។
អ្នកឧកញ៉ា ឡេង ណាវ៉ាត់ត្រា បានសំនូមពរទៅរាជរដ្ឋាភិបាល និងជនរួមជាតិទាំងអស់ដោយឈរលើភាពទទួលខុសត្រូវ និងស្មោះត្រង់ គោរពច្បាប់កម្ពុជា លោកនឹងបងប្អូនរបស់លោកនឹងប្រមូល «ទ្រព្យសម្បត្តិ»ទាំងអស់មិនថាដីផ្នូរម្ដាយ ឬ កង់ ម៉ូតូ ឡានប្រគល់ជូនក្រសួងដែនដីចាត់ចែង និង សូមទៅព្រះមហាក្សត្រ បញ្ចប់គោរមងាររបស់លោក។
លោកបន្តថា បញ្ហាគម្រោង 6Aនេះជាគម្រោងដែលផុងជ្រៅបានលក់ ចំណូលទឹកលុយសរុប ( ១៨៥លានដុល្លារសរអា)តែចំណាយទៅលើគម្រោងនេះសរុបទាំងអស់ មកដល់ពេលនេះ( ២២១លានដុល្លារ)ដោយមិនរាប់បញ្ចូលក្រសួង ដោះស្រាយបន្តប។ហើយបច្ចុប្បន្នទិន្នន័យនៅក្រសួងតែតាមបានដំណឹងព្រោះមិនច្បាស់១០០%ប្រហែល (២០ទៅ ៣០លានដុល្លារ)ទៀតទើបបានបញ្ចប់បាន៕
