រាជធានិភ្នំពេញ ៖ សហរដ្ឋអាមេរិក នៅតែបន្តស្វែងរកឱកាសដើម្បីកសាងទំនាក់ទំនងការពារជាតិដែលកាន់តែរឹងមាំ និងជាក់ស្តែងជាមួយកម្ពុជា ដោយឈរលើស្មារតីនៃភាពជាដៃគូ ការគោរព និងមានភាពជាក់ស្តែង។នេះបើយោងស្ថានទូតសហរដ្ឋអាមេរិកប្រចាំកម្ពុជាថ្លែងកាលពីថ្ងៃទី១៦ខែសីហាឆ្នាំ២០២៦ ។
ស្ថានទូតបញ្ជាក់ថា អនុរដ្ឋមន្ត្រីក្រសួងសង្គ្រាម លោក Elbridge Colby បានជួបពិភាក្សាការងារជាមួយរដ្ឋមន្ត្រីក្រសួងការពារជាតិកម្ពុជា ទៀ សីហា ក្នុងកិច្ចសន្ទនាប្រកបដោយផ្លែផ្កា ដែលផ្តោតលើការពង្រឹងកិច្ចសហប្រតិបត្តិការរវាងយោធានៃប្រទេសទាំងពីរ និងគាំទ្រដល់កំណែទម្រង់យោធាដែលមានលក្ខណ:សមហេតុផល និងជាក់ស្តែងរបស់កម្ពុជា។
លោកអនុរដ្ឋមន្ត្រី Colby បានថ្លែងអំណរគុណដល់ឧបនាយករដ្ឋមន្ត្រី ទៀ សីហា ចំពោះការគាំទ្ររបស់កម្ពុជាក្នុងអំឡុងពេលនាវា USS Cincinnati ចូលចតនៅកម្ពុជា និងបានស្វាគមន៍ឱកាសសម្រាប់ការធ្វើទស្សនកិច្ចនាពេលអនាគត ទៅកាន់មូលដ្ឋានទ័ពជើងទឹករាម។
នៅពេលខាងមុខ មេដឹកនាំទាំងពីរបានគូសបញ្ជាក់អំពីអាទិភាពប្រតិបត្តិការសំខាន់ៗ រួមមាន ការចាប់ផ្តើមឡើងវិញនូវសមយុទ្ធរួម Angkor Sentinel ការពង្រីកការហ្វឹកហ្វឺនទ្វេភាគី និងការអប់រំវិជ្ជាជីវៈយោធា ព្រមទាំងការអនុវត្តការកែទម្រង់លើកម្លាំងយោធា។
កម្ពុជាដែលមានភាពរឹងមាំ មានសមត្ថភាព និងមានអធិបតេយ្យភាព អាចចូលរួមចំណែកយ៉ាងសំខាន់ដល់សន្តិភាព និងស្ថិរភាពយូរអង្វែងនៅក្នុងតំបន់ឥណ្ឌូ-ប៉ាស៊ីហ្វិក។
សហរដ្ឋអាមេរិកទន្ទឹងរង់ចាំការធ្វើឱ្យមានវឌ្ឍនភាពជាក់ស្តែងជាមួយគ្នា៕
