ព័ត៌មានអន្តរជាតិ : អ្នកដំណើរ ១២ នាក់បានរងរបួស បន្ទាប់ពីរថភ្លើងមួយខ្សែបានធ្លាក់ផ្លូវនៅភាគខាងលិចប្រទេសស្រីលង្កា នៅព្រឹកថ្ងៃសៅរ៍នេះ។ នេះបើយោងតាមប៉ូលីសក្នុងតំបន់។
អ្នកនាំពាក្យប្រព័ន្ធផ្សព្វផ្សាយប៉ូលីស លោក F.U. Wootler បាននិយាយថា ទូរថភ្លើងមួយបានក្រឡាប់បន្ទាប់ពីរថភ្លើងធ្លាក់ផ្លូវរវាងតំបន់ Wanawasala និង Hunupitiya ក្នុងខេត្តភាគខាងលិច។
លោក Wootler បានបញ្ជាក់ថា អ្នកដំណើរដែលរងរបួសត្រូវបានបញ្ជូនទៅមន្ទីរពេទ្យនៅជិតកន្លែងគ្រោះថ្នាក់ ខណៈមិនមានរបាយការណ៍ជុំវិញអ្នកស្លាប់នោះទេ៕
